EMS Kooperativi üzrə gümüş səviyyəli performans mükafatı yalnız etibarlılıq, sürət və göndərişlərin izlənməsi kimi əsas göstəricilər üzrə yüksək nəticələr əldə edən poçt operatorlarına verilir. 2024-cü il üzrə EMS illik hesabatının nəticələrinə əsasən “Azərekspresspoçt” bu yüksək səviyyəyə nail olaraq ən yaxşı EMS operatorları sırasına daxil olub.

Bundan əlavə, şirkət EMS Kooperativi üzrə 2024-cü il müştəri xidmətləri mükafatına da layiq görülüb. Bu mükafat “Azərekspresspoçt”un beynəlxalq sorğular üzrə i-Care sistemindən səmərəli istifadəsi və müştəri dəstəyinə göstərdiyi diqqətin nəticəsidir. Bu uğur, şirkətin EMS şəbəkəsində fəaliyyət göstərən qabaqcıl operatorlardan biri olduğunu nümayiş etdirir.

Hər iki mükafatın təqdimat mərasimi 2025-ci il sentyabrın 7-də Dubayda, 28-ci Ümumdünya Poçt Konqresindən öncə keçiriləcək EMS Kooperativi üzrə Fövqəladə Baş Assambleya çərçivəsində baş tutacaq.

Bu mükafatlar yüksək xidmət keyfiyyəti və peşəkar fəaliyyətə daim sadiq qaldığımızı sübut edir. Beynəlxalq standartlara uyğun xidmət göstərmək və biznes tərəfdaşlarımızın etimadını qazanmaq bizim əsas məqsədimizdir. Bu nailiyyətlər “Azərekspresspoçt”u beynəlxalq biznes tərəfdaşları üçün etibarlı və keyfiyyətli logistika həlləri təklif edən lider operator olduğunu bir daha təsdiqləyir.